Արարատի մարզում ռետինե ու փայտե մահակներով դաժան ծեծից մահացած կինը հղի է եղել. պարզ են դարձել սարսափելի դեպքի մանրամասները

Այս տարվա մայիսին սարսափելի սպանություն էր տեղի ունեցել Արարատի մարզում: Ինչպես պարզվում է,  սպանված 30–ամյա կինը գտնվել է 25-26 շաբաթական հղիության մեջ։

Ըստ մեղադրական եզրակացության՝ Հակոբ Օ–ն 2019 թվականի մայիսի 8-ի գիշերը սպանել է հղի վիճակում գտնվող 30–ամյա կնոջը, ում հետ 5 տարի մտերիմ հարաբերությունների մեջ է եղել։ Armlife.am-ը նշում է, որ ըստ մեղադրանքի՝ Մասիս քաղաքի գերեզմանատան հետնամասում գտնվող դաշտամիջյան հատվածում տղամարդը վիճաբանել է կնոջ հետ ազնիվ չլինելու, այլ անձանց, այդ թվում’ իր ընկերների հետ ինտիմ հարաբերություններ ունենալու հարցերի շուրջ, որից հետո, հաստատապես տեղյակ լինելով, որ կինը գտնվում է հղի վիճակում, վերջինիս հարկադրաբար իջեցրել է ավտոմեքենայից և շուրջ 1 ժամ, դիտավորությամբ ձեռքերով ու ոտքերով, իսկ այնուհետև նաև ռետինե խողովակով, փայտյա մահակով և ավտոմեքենայի անիվների համար նախատեսված բանալիով հարվածներ է հասցրել կնոջ տարբեր հատվածներին, նրան պատճառել կյանքի հետ անհամատեղելի մարմնական վնասվածքներ, այսինքն դիտավորությամբ սպանել է նրան։

Երիտաարդին մեղադրանք է առաջադրվել ՔՕ 104–րդ հոդվածի 2–րդ մասի 4–րդ կետի (ակնհայտ հղի կնոջ սպանությունը) հատկանիշներով, և նրա նկատմամբ, որպես խափանման միջոց է ընտրվել կալանավորումը։ Ի դեպ՝ Հակոբ Օ–ն նախկինում դատապարտված է եղել։

Жми «Нравится» и получай только лучшие посты в Facebook ↓