Մատուցողների հետ պետք է քաղաքավարի լինել, նրանց համբերությունն էլ սահման ունի

Մատուցողի աշխատանքը հեշտերից չէ․ պետք է միշտ ժպտալ,  զինված լինել ծով համբերությամբ և ցանկացած իրավիճակում պահպանել հավասարկշռությունը և բարձր պահել հաստատության հեղինակությունը։ Պետք է առաջնորդվել հետևյալ սկզբունքով․ հաճախորդը միշտ իրավացի է։  Սակայն երբեմն հաճախորդները կարծես կորցնում են առողջ դատողությունը և սթափ մտածելակերպը և իրենց թույլ են տալիս մի շարք բաներ, որ պարզապես կարող է հունից հանել նույնիսկ ամենահամբերատար և ամենաբարեհամբույր մատուցողին։

Մատուցին երբեք մի հարցրեք թանկարժեք ուտեստի համի մասին

Որտեղից պետք է համեստ աշխատավարձով և սրտի թրթիռով թեյավճարին սպասող մատուցողը իմանա թանկարժեք ուտեստի համը։ Եթե նա աշխատում է  այդ  ռեստորանում,  դա դեռ չի նշանակում, որ նա տեղյակ է բոլոր ուտեստների կամ խմիչքների համից։

Փոքրիկ աղբը մի հավաքեք անկյունում

Ատամի չոփիկները կամ այլ փոքրիկ աղբը պետք է դնել երևացող տեղում, որպեսզի մատուցողը տեսնի և մաքրի, այլ ոչ թե օրինակ աղամանի տակ։

Սեղանից հեռու մի դրեք ձեր աթոռը

Պետք է հաշվի առնել, որ մատուցողներն անընդհատ տեղաշարժվում են սրահում, մի կողմից մյուսն են գնում արագ-արագ ծանր սկուտեղները ձեռքներին և ձեր աթոռը չպետք է շատ հեռու լինի ձեր սեղանից, եթե ուզում եք ոտքերը երկարացնել, դա կարող եք անել ձեր տանը։

Մի սպասեցրեք մատուցողին պատվերի ընթացքում

Նախքան պատվիրելը  կողմնորոշվեք հետո պատվիրեք, մատուցողն այդքան ժամանակ չունի, նրան  սպասում են մյուս այցելուները։

Մի պահանջեք ուտեստներ, որոնք չկան ճաշացանկում

Եթե դուք եկել եք սրճարան, որտեղ մատուցում են  աղանդեր, հույս մի ունեցեք, որ ձեզ խորոված կմատուցեն։

Մեծ ընկերախմբով գնալու դեպքում  նախապես պատվիրեք և նշեք քանակը

Առանց նախազգուշացման սխալ է մտնել սրահ, դա անհարմարություններ է ստեղծում, քանի որ դժվար է հենց այդ պահին միացնել 2-3 սեղան, որպեսզի ձեր ընկերախումբը տեղավորվի։

Ամենակարևորը մարդ մնացեք և եթե կյանքում դուք ավելի բարձր դիրք եք զբաղեցնում, վերևից մի նայեք մյուսներին, հարգանքով մոտեցեք, մի գուցե այդ մատուցողը աշխատում է ուսման վարձը վճարելու համար, որպեսզի հետո լավ իրավաբան կամ տնտեսագետ դառնա, կամ էլ տանը հիվանդ ծնող ունի և աշխատում է նրա բուժման համար։

 

Նյութը հրապարակման պատրաստեց Goodinfo-ն

Жми «Нравится» и получай только лучшие посты в Facebook ↓